काठमाण्डू, बूढानीलकण्ठ नगरपालिका–७ स्पेसलचोकस्थित सडकमा आज बिहान मोटरसाइकल र स्कुटर एक(आपसमा ठोक्किँदा दुई जनाको मृत्यु भएको छ ।
सो सडकमा बागमती प्रदेश ०२–०४१ प ६८१९ को स्कुटर र प्रदेश ३–०२–००२ प ५७२ को मोटरसाइकल एक/आपसमा ठक्कर खाँदा घाइते भएका अन्दाजी २९ वर्षीय भोला थापा र नाम, थर ठेगाना नखुलेका अन्दाजी ३५ वर्षीय अर्का एक पुरुषको उपचारका क्रममा मृत्यु भएको जिल्ला प्रहरी परिसर काठमाडौंका प्रवक्ता एवं प्रहरी उपरीक्षक अपिलराज बोहराले जानकारी दिए ।
उनले भने, उक्त दुर्घटनामा परी गोरखा आरुपोखरी घर भई हाल बूढानीलकण्ठ–८ भङगाल बस्ने २४ वर्षीय एरिक परियार तथा नाम, थर, वतन नखुलेका अर्का पुरुष व्यक्ति घाइते भएका छन् ।
उनीहरू दुवै जनाको त्रिवि शिक्षण अस्पतालमा उपचार भइरहेको छ । दुर्घटनापछि दुवै सवारीसाधनलाई प्रहरीले नियन्त्रणमा लिइएको छ ।
मृतक तथा घाइतेका आफन्तको खोजी भइरहेको प्रवक्ता बोहराले बताए ।
