काठमाण्डू, जितमान बस्नेतले अमेरिकाको टेक्सासमा ुयुनाइटेड इस्टेट इलाइट अवार्डु पाउने पहिलो नेपाली बनेका छन्।
उनी नर्थ क्यारोलिनामा ४ वर्षदेखि उत्कृष्ट रियल्टर अवार्ड पाउँदै आएका छन् र ४५० भन्दा बढी घर किनबेच गरिसकेका छन्।
बस्नेतले मेची/महाकाली सेतो छडी अभियानमार्फत दृष्टिविहीनलाई निःशुल्क सामग्री उपलब्ध गराउँदै आएका छन्।
रुमानी सपना पछ्याएर अमेरिका छिर्दा सोलुखुम्बु लिखुपिकेका बस्नेतले यसै वर्षमात्र अमेरिकाको टेक्सासमा उनले ‘युनाइटेड इस्टेट इलाइट अवार्ड’ हात पारे ।
बहुराष्ट्रिय कम्पनी युनाइटेड रियल स्टेटले टेक्सासको ड्यालसमा आयोजना गरेको एक समारोहबीच उनलाई सम्मान गरिएको थियो ।
उनले ३/४ वर्ष यता पाएको सफलता धेरै नेपालीका लागि प्रेरणादायी छ ।
घरजग्गा कारोबार (रियलस्टेट)को क्षेत्रमा छोटो अवधिमै हात पारेको सफलता निकै लोभ लाग्दो छ ।
यो सम्मान पाउने बस्नेत पहिलो नेपाली हुन् । उनी अमेरिकाका २५ हजार रियल्टर मध्येबाट सम्मानका लागि छनोटमा परेका थिए ।
विगत ४ वर्षदेखि निरन्तर नर्थ क्यारोलिनामा उत्कृष्ट रियल्टरको अवार्ड पाउँदै आएका बस्नेत इलाइट अवार्ड प्राप्त गर्ने नर्थ क्यारोलिना राज्यकै पहिलो रियल्टर पनि हुन ।
त्यसो त सन् २०२४ वर्ष उत्कृट रियल्टरको अवार्ड यही ४ मार्चमा रालेमा सम्पन्न एक समारोहबीच बस्नेतले थापे ।
मिलेनियम क्लब एलाइट अवार्ड २०२४, टप एजेन्ट अवार्ड ट्रान्ज्याक्सन २०२४, टप एजेन्ट अवार्ड सेल्स भोल्युम २०२४ गरी ३ वटै विधाका अवार्ड आफ्नो पोल्टामा पारेका थिए बस्नेतले ।
रालेको युनाइटेट रियलस्टेट ट्रयांगल नामक कम्पनीमा आबद्ध भएर काम गरिरहेका बस्नेतसँगै यस कम्पनी अन्तर्गत २५ हजार रियल स्टेट एजेन्ट छन् ।
२०२२, २०२३ र २०२४ तीनै वर्ष उनले आफ्नै कम्पनीभित्र सबैभन्दा धेरै कारोबार गर्ने श्रेष्ठ एजेन्टको उपाधि लगातार जित्दै अभूतपूर्व कीर्तिमान स्थापित गरे ।
‘अमेरिकामा करिब ४५० भन्दा बढी नेपाली तथा नेपालीभाषीहरू रियल्टरको रूपमा काम गर्दै आएको अनुमान छ ।
कतिपयले भने आफ्नै रियल स्टेटको ब्रोकरेज कम्पनी स्थापना गरेर कारोबार गरिरहेका छन् ।
