एजेन्सी, अमेरिकाका राष्ट्रपति डोनाल्ड ट्रम्पले रुसी राष्ट्रपति भ्लादिमिर पुटिन र उत्तर कोरियाली नेता किम जोङ उनले अमेरिकाविरुद्ध षड्यन्त्र गरेको आरोप लगाएका हुन् ।
चिनियाँ राष्ट्रपति सी जिनपिङ र चिनियाँ जनतालाई उत्सवको बधाई पुटिन र किम जोङ उनले अमेरिकाविरुद्ध षड्यन्त्र गरिरहेको आरोप लगाएका हुन् ।
कृपया भ्लादिमिर पुटिन र किम जोङ उनलाई मेरो न्यानो अभिवादन पठाउनुहोस् ।
उनीहरू दुवै अमेरिकाविरुद्ध षड्यन्त्र गरिरहेका छन्, ट्रम्पले ट्रथ सोसियल मिडियामा लेखेका छन् ।
चीनले दोस्रो विश्वयुद्धको अन्त्यमा जापानले चीनमा आत्मसमर्पण गरेको ८०औं वार्षिकोत्सव मनाएको हो ।
जसमा पुटिन र किमलगायत विश्वभरका धेरै नेताहरूले भाग लिए ।
परेडमा ईरानी राष्ट्रपति मसौद पेजेस्कियन र म्यानमारका सेना प्रमुख मिन आङ ह्लाइङ पनि सहभागी थिए ।
तर, कुनै पश्चिमी प्रमुख नेताको उपस्थिति देखिएन । किम जोङ–उन आफ्नी छोरी किम जु–एलाई समेत लिएर परेडमा आएका थिए ।
यसलाई जुन उत्तर कोरियाली नेताको दुर्लभ अन्तर्राष्ट्रिय यात्रामध्ये एक मानिन्छ ।
विभिन्न राजनीतिक विश्लेषकहरूको भनाइ उदृत गर्दै द गार्जियनले यो परेड केवल चीनको सैन्य शक्ति प्रदर्शन मात्र नभई चीनको कूटनीतिक महत्वाकांक्षाको अभिव्यक्ति रहेको भन्दै समाचार टिप्पणी गरेको छ ।
चीनले केही दिनअघि मात्रै तियानजिन शहरमा ‘ग्लोबल साउथ’ मुलुकहरूको सम्मेलन आयोजना गरेको थियो, जसमा पुटिन पनि सहभागी भएका थिए ।
यसरी लगातार कूटनीतिक र सैन्य शक्ति प्रदर्शन गर्दै चीनले पश्चिमी प्रभुत्वलाई चुनौती दिने संकेत गरेको देखिन्छ ।
यदि सी, पुटिन र किमबीच औपचारिक बैठक हुने हो भने यसले अमेरिकालाई थप चकित पार्ने र नयाँ त्रिकोणीय शक्ति सन्तुलनको संकेत दिने विशेषज्ञहरूको भनाइ छ ।
तर, चीनले अत्यधिक उत्तेजना बढाउन चाहँदैन भन्ने कारण यस्तो बैठक अनिश्चित रहेको पनि विश्लेषण गरिन्छ ।
चीनको जनमुक्ति सेनाले पछिल्ला वर्षहरूमा व्यापक आधुनिकीकरण अभियान अघि बढाएको छ ।
तर, यसैबीच उच्चस्तरमा भ्रष्टाचार र अनियमितता देखिएका कारण ठूलो संख्यामा अधिकारी हटाइएका छन् ।
सीले माओ युगपछि देखिएकोभन्दा ठूलो शुद्धीकरण अभियान चलाउँदै सेनालाई सुदृढ बनाउन खोजिरहेका छन् ।
