काठमाण्डू, यही भाद्र २४ गते जेनजी आन्दोलनको नाममा ललितपुरको बाडेगाउँस्थित सन्तनेता कृष्णप्रसाद भट्टराईको आश्रममा घुसपैठाहरूले आगजनी गरेका छन्।
पूर्वप्रधानमन्त्रीसमेत रहेका उनलको आश्रममा रहेका टिनका बाकस, सुराही र छाता जस्ता भट्टराईको आदर्शको प्रतीक मानिने सामग्रीहरू जलाएर नष्ट पारेका हुन्।
आश्रमको हेरचाह गरिरहेकी अमिता कपालीलाई भीडले गालीगलौज गर्दै धम्क्याएपछि शालिकमा तोडफोड गर्ने मात्र नभई घरसमेत जलाइदिएको थियो।
कपाली र उनका सहयोगीलाई धम्क्याउँदै भट्टराईका कागजपत्र र पुराना सामग्रीहरू पनि जलाइएको प्रत्यक्षदर्शीहरूले बताएका छन्।
भट्टराईको संग्रहालय बनाउन उद्देश्यसहित कपालीले ती सामग्रीहरूको संरक्षण गर्दै आश्रममा बस्दै आएकी थिइन्।
आगजनीमा संलग्न हुनेहरू स्थानीय राजनीतिक दलसँग आवद्ध भएको आरोप प्रत्यक्षदर्शीहरूले लगाएका छन्।
