काठमाण्डू, गृह मन्त्रालयको नवनिर्मित भवनमा प्रधानमन्त्रीको कार्यकक्ष बनाइने भएको छ।
सिंहदरबारको प्रधानमन्त्री कार्यालय जेनजीको आन्दोलन क्रममा प्रदर्शनकारीहरूले आगजनी गरिदिँदा ध्वस्त भएको छ।
प्रधानमन्त्री कार्यालय ध्वस्त भएपछि गृह मन्त्रालयका लागि बन्दै गरेको नयाँ भवनमा अब बन्ने प्रधानमन्त्रीको कार्यकक्ष राख्न लागिएको हो।
त्यसका लागि तयारीका काम भइरहेको जनाइएको छ।
यो भवनमा गृह मन्त्रालय सरिसकेको छैन। त्यसैले प्रधानमन्त्री तथा मन्त्रिपरिषद्को कार्यालय नयाँ भवनबाट सञ्चालन गर्न सकिने अवस्था छ।
पुरानो गृह मन्त्रालयको भवन भने ध्वस्त भएका छ ।
