काठमाण्डू, राष्ट्रपति रामचन्द्र पौडेलले प्रतिनिधिसभा विघटन गरेका छन् ।
नवनियुक्त प्रधानमन्त्री सुशीला कार्कीको सिफारिसअनुसार राष्ट्रपतिले शुक्रबार राति ११ बजेदेखि लागू हुनेगरी प्रतिनिधिसभा विघटन गरेका हुन् ।
यस्तै राष्ट्रपतिले नयाँ जनमतमा जान आगामी फागुन २१ गते प्रतिनिधिसभाको निर्वाचन गर्नेगरी मिति समेत तोकेको राष्ट्रपति कार्यालयका उपसचिव रुपेश जंग थापा मगरले जारी गरेको विज्ञप्तिमा उल्लेख छ।
जेनजी आन्दोलन सफल भएपछि कार्की आजै अन्तरिम सरकारको प्रधानमन्त्रीमा नियुक्त भएकी थिइन् ।
