एकै दिन ३५ सय रुपैयाँले बढ्यो सुनको मूल्य

काठमाण्डू, शुक्रबार एकै दिन सुनको मूल्य उच्च दरले वृद्धि भएको छ ।

नेपाल सुनचाँदी रत्न तथा आभूषण व्यवसायी महासंघकाअनुसार शुक्रवार प्रतितोला सुन ३५ सय रुपैयाँले बढेको छ ।

बिहीबार २ लाख ५३ हजार १०० रुपैयाँ प्रतितोला रहेको सुन शुक्रवार बढेर २ लाख ५६ हजार ६०० रुपैयाँ कायम भएको छ । चाँदीको मूल्यमा पनि उच्च वृद्धि भएको छ ।

चाँदी प्रतितोला १०० रुपैयाँले बढेको छ । बिहीबार ३ हजार ८०५ रुपैयाँ रहेको चाँदी शुक्रवार ३ हजार ९०५ रुपैयाँ पुगेको छ ।