हाइटेक भिजन प्रालिले आफ्नो नवौं वार्षिकोत्सव विविध कार्यक्रम गरेर मनाउने भएको छ । भोलि विशेष कार्यक्रमसहित प्रालिले आफ्नो वार्षिकोत्सव मनाउन लागेको हो ।
त्यसअवसरमा ग्राहक सम्मान तथा आकर्षक योजना सार्वजनिक गरिने भिजनले जनाएको छ । ती योजना सोही दिनबाटै लागू हुनेछ । कार्यक्रममा सहभागी हुने सबै ग्राहकलाई उपहारसमेत प्रदान गरिने भिजनले बताएको छ ।
स्थापनाकालदेखि ग्राहकमैत्री सेवा प्रदान गर्दै आएको हाइटेक भिजनले मुलुकमै पहिलोपटक किस्ताबन्दी प्रणालीमार्फत किचनवेयर तथा फर्निचर सामग्री बिक्री सुरु गरेर बजारमा नयाँ आयाम थपेको थियो ।
यसले मध्यम तथा सामान्य आय भएका ग्राहकलाई सहज रूपमा आवश्यक सामग्री खरिद गर्ने अवसर प्रदान गरिआएको छ । गुणस्तरीय सेवा, विश्वास र पारदर्शीताका कारण हाइटेक भिजन देश तथा विदेशमा रहेका नेपाली ग्राहकको रोजाइमा पर्न सफल भएको छ ।
ग्राहकको निरन्तर माया, साथ र विश्वासले नै कम्पनीलाई आजको अवस्थामा पुर्याएको हो । कम्पनीले समय–समयमा आफ्ना ग्राहकका लागि आकर्षक अफर, छुट योजना तथा उपहार कार्यक्रम सञ्चालन गर्दै आएको छ, जसले ग्राहकसँगको सम्बन्धलाई अझ सुदृढ बनाएको छ ।
ग्राहकको बढ्दो विश्वास र मागलाई ध्यानमा राख्दै आफ्नो सेवा विस्तार गर्दै आएको कम्पनीले जनाएको छ । कम्पनीले हालै काठमाडौंको गोंगबु क्षेत्रमा नयाँ शाखा सञ्चालनमा ल्याएको छ भने तारकेश्वर–लामबगरस्थित पुरानो शोरुमबाट पनि सेवा निरन्तर रूपमा प्रदान हुँदै आएको छ ।
साथै, २०८२–८३ मा कम्पनीले दुई सय बढी फेन्चाइजीको व्यवस्थासमेत गरेको छ । आगामी दिनमा अझ प्रभावकारी सेवा विस्तार गर्दै ग्राहक सन्तुष्टिलाई केन्द्रमा राखेर अघि बढ्ने हाइटेक भिजनको प्रतिबद्धता छ ।
