सिराह जिल्लाकाे सिरहा नगरपालिका-१७ पटेर्वाबाट सशस्त्र प्रहरीले लाखाैँकाे सामग्री बरामद गरेकाे छ । सशस्त्र प्रहरीले पटेर्वास्थित नेपाल-भारत सीमा क्षेत्रबाट करिब तीन लाख मूल्य बराको सामग्री बरामद गरेको हाे ।
सशस्त्र प्रहरी बल नं. ७ गण अन्तर्गत सीमा सुरक्षा गुल्म मुख्यालय माडरबाट खटिएको टोलीले नेपालबाट भारततर्फ र भारतबाट नेपालतर्फ अवैध रुपमा ओसार्दै गरेका सामान नियन्त्रणमा लिएको बताइएकाे छ । जसअनुसार २ लाख ५० हजार बराबरको स. ८ प १२३४ नम्बरको नेपाली मोटरसाइकल, २० हजार बराबरको मदिरा र २५ हजार २ सय ८५ रपैयाँ बराबरको विभिन्न पेय पदार्थसहितका सामग्री नियन्त्रणमा लिएको छ ।
सशस्त्रले बरामद गरेकाे उक्त सामग्री आवश्यक प्रक्रिया पूरा गरी भन्सार कार्यालय बुझाइएको छ । भारतबाट १ सय रुपैयाँ बराबरको समान ल्याए अनिवार्य भन्सार लाग्ने व्यवस्था गरेसँगै सशस्त्र प्रहरीले सिमानाकामा कडाइ गरेको हाे ।
