बीपी राजमार्गमा वर्षाका कारण सडकमा क्षति पुगेकाले सवारी आवागमन पूर्ण रूपमा बन्द गरिएकाे छ । जिल्ला प्रहरी कार्यालय काभ्रेपलाञ्चोकका अनुसार राजमार्गका विभिन्न सडकखण्डमा क्षति पुगेकाले सवारी आवागमन पूर्ण रूपमा बन्द गरिएकाे हाे ।
प्रतिकूल मौसमका कारण गएराति परेको भारी वर्षाले बीपी राजमार्गको विभिन्न सडकखण्डमा क्षति पुगेकोले सवारी आवागमन पूर्ण रूपमा बन्द गरिएको बताइएकाे छ । कार्यालयले आज बिहान एक सूचना जारी गर्दै सडक क्षति भएकाले पूर्ण रूपमा बन्द गरिएकाे जनाएकाे हाे ।
प्रहरीले उक्त राजमार्ग हुँदै यात्रा नगर्न आग्रह गर्दै यात्रुहरूलाई वैकल्पिक बाटो प्रयोग अनुरोध गरेको छ । यसअघि पनि पटक पटक परेकाे वर्षाका कारण सडक अवरुद्ध हुँदै आएकाे थियाे ।
