देशमा पश्चिमी न्यूनचापीय प्रणाली, स्थानीय वायू र तल्लो वायूमण्डलमा रहेको न्यून चापीय क्षेत्रको आंशिक प्रभाव रहेकाे छ । जसकाे कारण विभिन्न स्थानमा माैसम बदली हुनुका साथै वर्षा र हिमपातकाे सम्भावना रहेकाे मौसम पूर्वानुमान महाशाखाले जनाएकाे छ ।
आज बिहान गण्डकी, कर्णाली र सुदूरपश्चिम प्रदेशमा साधारणतया बादल लाग्ने छ भने बाँकी प्रदेशहरूमा आंशिक बादल लागिरहेको छ । त्यस्तै कर्णाली र सुदूरपश्चिम प्रदेशका हिमाली तथा पहाडी भू-भागका केही स्थानहरूमा मेघगर्जन र चट्याङ्गसहित मध्यमसम्मको वर्षा भैरहेको छ ।
दिउँसो कोशी र बाँकी प्रदेशका हिमाली तथा पहाडी भू-भागमा साधारणतया बादल लाग्ने छ भने तराई भू-भागमा आंशिक बादल लाग्ने तथा कोशी, बागमती, गण्डकी र बाँकी हिमाली तथा पहाडी-तराई भू-भागका केही स्थानमा मेघगर्जन र चट्याङ्गसहित मध्यमसम्म वर्षा-हिमपातको सम्भावना रहेको छ ।
आज राति कोशी, मधेश, बागमती र गण्डकी प्रदेश लगायत देशका हिमाली तथा पहाडी भू-भागमा साधारणतया बादल लाग्ने छ । त्यसैगरि कोशी, मधेश, बागमती प्रदेश र बाँकी हिमाली तथा पहाडी र तराई भू-भागका केही स्थानमा मेघगर्जन र चट्याङ्गसहित मध्यमसम्मको वर्षा हिमपातको सम्भावना रहेको महाशाखाले जनाएकाे छ ।
