यसपालिको दशैँमा मौसममा उल्लेखनीय परिवर्तन नहुने भएको छ । मौसम विज्ञान विभागले आज एक दशैँ विशेष मौसम बुलेटिन जारी गर्दै कतैकतै हल्का देखि मध्यमसम्म वर्षा हुन सक्ने भए पनि ठूलो बदलीको अवस्था नरहेको स्पष्ट पारेको हाे ।
साताको सुरुवाती दिनमा केही बदली देखिएपनि विस्तारै खुल्दै जाने बताइएको छ । हालको मौसम विश्लेषण अनुसार नेपालबाट मनसुन बाहिरिएकाले यस वर्षको दशैँ अवधिभर पश्चिमी वायूको आंशिक प्रभाव मात्र रहने जनाइएको छ ।
जसअनुसार कात्तिक १ गते भाेलि कोशी, बागमती र गण्डकी प्रदेशका पहाडी भूभागमा हल्ला वर्षाको सम्भावना रहेकाे छ । त्यसैगरि कात्तिक २, ३ र ४ गते क्रमशः अष्टमी, नवमी र दशमीका दिन कोशी, बागमती, गण्डकी प्रदेशका हिमाली र पहाडी तथा कर्णाली र सुदूरपश्चिम प्रदेशका हिमाली भूभागमा आंशिक बादल लाग्ने र हल्का वर्षाको सम्भावना रहेको महाशाखाले जनाएकाे छ ।
