पछिल्लाे २४ घण्टामा ट्राफिक प्रहरीले २० लाख बढि राजस्व संकलन गरेकाे छ । ट्राफिक प्रहरीले सवारी नियम उलंधनकाे कारबाहीबाट २० लाख ८४ हजार रुपैयाँ राजस्व संकलन गरेकाे हाे ।
विभिन्न सवारी नियम उलंधन गर्ने २ हजार ३ सय सवारीचालकलाई कारबाही गरेर उक्त राजस्व राज्यकोषमा दाखिला गरेकाे हाे । सवारीचालकले मादकपदार्थ सेवन गरेका १ सय ४, नियमविपरीत ‘राइड सेयरिङ’ गरेका १ सय ७७, संकेत बत्ती उलंधनकर्ता १ सय ४७ र तीव्र गतिमा सवारीसाधन हुइँक्याएका १ सय ५ जनालाई कारबाही गरिएको थियाे ।
त्यसैगरी ‘लेन’ अनुशासन पालना नगर्ने ५६, निषेधित क्षेत्रमा हर्न बजाउने १ सय ५२, सडक पेटीमा सवारीसाधन ‘पार्किङ’ गर्ने १ सय १३, एकतर्फी सडकमा सवारी चलाउने १ सय ४१ र अन्य सवारी नियम पालना नगरेका १ हजार ३ सय ५ जनालाई कारबाही गरिएको पनि काठमाडौँ उपत्यका ट्राफिक प्रहरी कार्यालयले जनाएकाे छ ।
