परराष्ट्र मन्त्री शिशिर खनाल चीनियाँ विदेश मन्त्री वाङ यीको निमन्त्रणामा चीन प्रस्थान गरेका छन् । परराष्ट्र मन्त्री खनाल चार दिवसीय भ्रमणका लागि आज चीनकाे बेइजिङतर्फ प्रस्थान गरेका हुन् ।
चार दिने चीन भ्रमणका क्रममा मन्त्री खनालले आफ्ना समकक्षी वाङसँग नेपाल–चीन सम्बन्ध अझ सुदृढ बनाउने तथा आपसी सहकार्यलाई अझ सबल बनाउने सम्बन्धमा द्विपक्षीय वार्ता गर्ने छन् । साथै उनले चीनका उच्च अधिकारीहरूसँग पनि बेग्लाबेग्लै भेटवार्ता गर्ने कार्यक्रम रहेकाे परराष्ट्र मन्त्रालयले जनाएकाे छ ।
मन्त्री खनालले देशमा वैदेशिक लगानी भित्र्याउने उद्देश्यले बेइजिङस्थित नेपाली दूतावासद्वारा आयोजना हुने लगानी सम्मेलनमा सहभागी भएर चिनियाँ उद्यमी व्यवसायीसँग छलफल गर्ने कार्यक्रम रहेकाे छ । दूतावासले एक स्वागत समारोह आयोजना गर्दै नेपाली समुदायसँग अन्तरक्रिया गर्ने छ ।
परराष्ट्र मन्त्री खनाल आगामी असार ३ गते स्वदेश फर्किने कार्यक्रम छ ।
