आज मदन भण्डारी फाउण्डेसनले जननेता मदन भण्डारीको ७५औँ जन्मजयन्ती विविध कार्यक्रमकाे आयोजना गरी मनाउँदै छ । तत्कालीन नेकपा एमालेका महासचिव भण्डारीको सम्झनामा राष्ट्रिय सभागृहमा विशेष कार्यक्रम आयोजना गरि ७५औँ जन्मजयन्ती मनाउन लागेकाे हाे ।
फाउण्डेसनले राष्ट्रिय विचार गोष्ठी र मदन भण्डारी राष्ट्रिय पुरस्कार हस्तान्तरण कार्यक्रमसहित मनाउन लागेकाे कार्यक्रममा पूर्वराष्ट्रपति विद्यादेवी भण्डारीको प्रमुख आतिथ्यता हुन लागेकाे हाे ।
उक्त कार्यक्रममा पूर्वप्रधानमन्त्री तथा नेकपा एमालेका अध्यक्ष केपी शर्मा ओली, नेपाली कम्युनिस्ट पार्टीका संयोजक पुष्पकमल दाहाल ‘प्रचण्ड’, माधव कुमार नेपाल, झलनाथ खनाल र जनता समाजवादी पार्टी नेपालका अध्यक्ष उपेन्द्र यादवलगायतका नेताहरुले सम्वाेधन गर्ने तयारी रहेकाे छ ।
मार्क्सवादको नवीन प्रयोगकर्ता तथा जनताको बहुदलीय जनवाद (जबज) सिद्धान्तका प्रवर्तक मानिने भण्डारीको जन्म २००९ साल असार १४ गते ताप्लेजुङमा भएको थियो भने २०५० साल जेठ ३ गते चितवनको दासढुंगामा जिप दुर्घटनामा परि उनकाे निधन भएको थियो ।
