फिफा विश्वकप २०२६ अन्तर्गतकाे खेलमा बेल्जियम र इङ्ल्यान्ड अन्तिम १६ मा प्रवेश गर्दा सेनेगल र डीआर कंगो बिश्वकपबाट बाहिरिएका छन् । सिएटलमा भएको खेलमा बेल्जियमले सेनेगललाई ३–२ गाेलले हराउँदा एटलान्टा स्टेडियममा भएकाे खेलमा इङ्ग्ल्यान्डले डीआर कंगोलाई २–१ ले पराजित गरेकाे छ ।
खेलकाे सुरुवातमा सेनेगलले २-० गाेलकाे अग्रता लिएपनि खेलकाे अन्तिम समयमा बेल्जियमसँग ३–२ गाेलले पराजित भएकाे हाे । सेनेगलकाे तर्फबाट २५औँ मिनेटमा हबिब डियारा र ५१औँ मिनेटमा इस्माइला सारले गोल गरेका थिए ।
बेल्जियमका लागी ८६औँ मिनेटमा रोमेलु लुकाकु, ८९औँ मिनेटमा युरी टिलेमान्स र अतिरिक्त समयको अन्तिम मिनेटमा टिलेमान्सले पेनाल्टीमार्फत गोल गरेका थिए । सेनेगल बेल्जियमसँग ३–२ ले पराजित भएर बिश्वकपबाट बाहिरिएको छ भने बेल्जियम अन्तिम १६ मा प्रवेश गरेकाे छ ।
अर्काे खेलमा डीआर कंगोलाई २–१ ले पराजित गर्दै इंग्ल्यान्ड अन्तिम १६ मा प्रवेश गरेको छ । खेलकाे ७औं मिनेटमा ब्रायन चिपेङ्गाले गोल गर्दै कंगोलाई सुरुवाति अग्रता दिलाए पनि इंग्ल्यान्डको जितमा कप्तान ह्यारी केनले २ गाेल गरेका थिए ।
खेलको ७५औं र ८६औं मिनेटमा इंग्ल्यान्डका कप्तान केनले गोल गर्दै टोलीलाई जिता दिलाउँदै अन्तिम १६ मा स्थान बनाउन सफल हुँदा डीआर कंगो बिश्वकपबाट बाहिरिएको छ ।
