नेपाली बजारमा आज फेरि सुनचाँदीको मूल्य बढेको छ । हिजाेको तुलनामा सुन तोलामा ७ हजार २ सय र चाँदी १ सय ६५ रुपैयाँले बढेको हो ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला २ लाख ९० हजार ७ सय रुपैयाँ र त्यति नै परिमाणको चाँदीको मूल्य ४ हजार ६ सय १५ रुपैयाँ पुगेको छ ।
हिजो बिहीबार छापावाल सुन प्रतितोला २ लाख ८३ हजार ५ सय रुपैयाँ र त्यति नै परिमाणको चाँदीको मूल्य ४ हजार ४ सय ५० रुपैयाँ कायम भएको थियो ।
अन्तर्राष्ट्रिय सञ्चारमाध्यमहरूका अनुसार अन्तर्राष्ट्रिय बजारमा आज एक औँस सुन ४ हजार १ सय ७९ र चाँदी ६२ अमेरिकी डलरमा कारोबार भइरहेको छ ।
