काठमाडौँको जडीबुटी क्षेत्रबाट पैदलयात्रुलाई दुःख दिने ३२ जना पक्राउ परेका छन् । नेपाल प्रहरीले पैदलयात्रुलाई दुःख दिने ३२ जनालाई पक्राउ गरेको हाे ।
लामो समयदेखि जडीबुटी क्षेत्रमा सर्वसाधारणलाई जबरजस्ती सवारीसाधनमा चढाउने, झोला तथा सामान तानेर दुःख दिने गरेको भन्ने गुनासोका आधारमा निगरानीसहितको अभियान सञ्चालन गरिएको र साेहि आधरमा उनिहरुलाई पक्राउ गरिएकाे काठमाडौँ उपत्यका अपराध अनुसन्धान कार्यालयले जनाएकाे छ ।
अनुसन्धान कार्यालयका प्रवक्ता एवं प्रहरी उपरीक्षक रामेश्वर कार्कीका अनुसार पक्राउ परेकामध्ये अधिकांश दोलखा, रामेछाप, सिन्धुपाल्चोक, काभ्रेपलाञ्चोक, ओखलढुङ्गा र सुनसरीका रहेका छन् । उनीहरू माथि थप अनुसन्धान भइरहेको बताइएकाे छ ।
त्यस्तै प्रवक्ता कार्कीले सर्वसाधारणलाई कुनै व्यक्ति वा समूहले अनावश्यक दुःख दिएमा तत्काल नजिकको प्रहरी कार्यालय वा प्रहरीको सहायता नम्बरमा सम्पर्क गर्न आग्रह गरेका छन् ।
