नेपाली कांग्रेसले प्रदेश सरकारहरूमा नेकपा एमालेले देखाएको व्यवहारका कारण सहकार्य तोड्ने भएको छ । कांग्रेसले सातवटै प्रदेशमा एमालेसँगको सहकार्य तोड्ने भएको हाे ।
प्रदेश सरकारमा एमालेको व्यवहार ठिक नभएको भन्दै कांग्रेसले सबै प्रदेशबाट आफ्नो पार्टीका मन्त्री फिर्ता बोलाउन लागकाे बताइएकाे छ । पार्टी स्रोतका अनुसार, शीर्ष नेताहरूबीच निरन्तर भएको छलफलमा सहमति जुट्न नसकेपछि एमालेसँगको सहकार्यबाट कांग्रेस पछि हट्ने भएको हो ।
हिजाे कर्णाली सरकारबाट कांग्रेसका मन्त्रीहरूले राजीनामा दिसकेका छन भने सुदूरपश्चिम प्रदेश सरकारमा एमालेका मन्त्रीहरूलाई बर्खास्त गरिएको थियो । कर्णालीमा एमालेको र सुदूरपश्चिममा कांग्रेस नेतृत्वको सरकार रहेकाे छ ।
अब बाँकी अन्य प्रदेशमा पनि एमाले–कांग्रेसबीच भएको सहमति तोडिने छ भने प्रदेश सरकारमा नेकपासँग समझदारी भएको खण्डमा सरकारमै रहनेगरी छलफल अघि बढाइएको बुझिएकाे छ । यदि नेकपासँग समझदारी नभए सबै प्रदेशमा प्रतिपक्षी बेञ्चमा बस्ने कांग्रेसकाे तयारी रहेकाे बताइएकाे छ ।
