यसवर्ष मधेस प्रदेशमा धान राेपाइँ अन्तिम चरणमा पुगेकाे छ । मधेस प्रदेशमा हालसम्म ७८ दशमलव ५९ प्रतिशत रोपाइँ सकिएकाे र ३ लाख हेक्टरभन्दा बढी क्षेत्रमा भएको रोपाइँ भएकाे हो ।
मधेस प्रदेश कृषि विकास निर्देशनालयका अनुसार साउन हिजाे ७ गतेसम्म प्रदेशको ३ लाख ५८० हेक्टरमा धान रोपाइँ भएको छ । सबैभन्दा बढी सिरहामा ९४ प्रतिशत र सबैभन्दा कम महोत्तरीमा ५५ रोपाइँ भएको निर्देशनालयले जनाएकाे छ ।
यस वर्ष मधेसमा पर्याप्त वर्षा भएकाले उत्साहका साथ किसान रोपाइँमा जुटेका छन् । किसानले यस वर्ष उन्नत जातका धानका बिउ प्रयोग गर्नुका साथै रासायनिक र प्राङ्गारिक मलको व्यवस्थापनमा पनि ध्यान दिएकाे निर्देशनालयका बागवानी विकास अधिकृत किरण विश्वकर्माले जनाएका छन् ।
धान रोपाइँ अन्तिम चरणमा पुग्दै गर्दा केही स्थानमा भने सिँचाइ पूर्वाधार र मलको अभाव भएको किसानकाे गुनासाे रहेकाे छ ।
