काभ्रेमा जंगली च्याउ खाँदा एक दम्पती बेहोस

काभ्रेकाे पाँचखालमा जंगली च्याउ खाँदा एक दम्पती बेहोस भएका छन् । काभ्रेपलाञ्चोक जिल्लाकाे पाँचखाल नगरपालिका–८, खटारमा जंगली च्याउ खाँदा एक दम्पती बेहोस भएका हुन् ।

बेहोस हुनेमा स्थानीइ ४९ वर्षीय बलबहादुर दनुवार र उनकी ५१ वर्षीय पत्नी बेली दनुवार रहेको प्रहरीले जनाएको छ । जिल्ला प्रहरी कार्यालय काभ्रेपलाञ्चोकका सूचना अधिकारी डीएसपी रवीन विष्टका अनुसार बुधबार दिउँसो उनीहरूले आफ्नै घरमा जंगली च्याउ खाएका थिए ।

च्याउ खाएपछि अस्वस्थ भएका उनीहरूलाई उपचारका लागि धुलिखेल अस्पताल लगिएको थियो । दुवै जना बेहोस अवस्थामा रहेको प्रहरीले जनाएको छ ।