हिजाे साँझ भारी वर्षाका कारण धोबीखोला उर्लिँदा काठमाडौंको चाबहिल, सरस्वतीनगर र सुकेधारा क्षेत्रका सडक तथा भित्री गल्लीहरू जलमग्न भएका थिए भने बस्तीमा बाढी पसेकाे थियाे । खोलाको बाढी सडक र बस्तीमा पसेपछि बस्ती जलाशय जस्तै हुँदा स्थानीयको जनजीवन कष्टकर बनेको हाे ।
बाढीका कारण उक्त क्षेत्रमा सवारी साधन आवतजावत ठप्प भएकाे थियाे भने पैदलयात्रीहरूलाई हिँडडुल गर्न सास्ती भाेगेका थिए । पानी घर र पसलका भुइँतल्लामा समेत छिरेकाले सर्वसाधारणको दैनिक चहलपहल पूर्ण रूपमा प्रभावित बनेकाे थियाे ।
