धनुषामा एक व्यक्तिको हत्या

गएराति धनुषाको सबैला नगरपालिका-१२, रघुनाथपुरमा एक व्यक्तिको हत्या भएको छ । हंसपुर नगरपालिका–३, मलहनिया घर भई रघुनाथपुरस्थित फूपुको घरमा बस्दै आएका ४० वर्षीय बन्ठु राउत गडेरीको हत्या भएको हो ।

राति हनुमान मन्दिरमा सुतिरहेका बेला उनकाे हत्या भएकाे हाे । स्थानीयका अनुसार फूपुको घरमा खाना खाएर सुत्न मन्दिरमा जाने गरेका बन्ठुकाे मन्दिर परिसरमै हत्या भएकाे बताइएकाे छ ।

हत्या भएको जानकारी पाएलगत्तै प्रहरी बिहान घटनास्थल पुगेर अनुसन्धान गरिरहेको छ भने अहिले उनको शव मन्दिर परिसरमै रहेको प्रहरीले जनाएको छ ।