डा.सीके राउत जनमत पार्टीको अध्यक्षमा पुनः निर्वाचित भएका छन् । वीरगञ्जमा आयोजित महाधिवेशनमा भएको निर्वाचनमा राउत ९५८ मत प्राप्त गर्दै अध्यक्ष निर्वाचित भएका हुन् ।
उक्त महाधिवेशनमा अध्यक्ष पदका लागि राउतको मात्र उम्मेदवारी परेकाे भएपनि पार्टी विधानअनुसार उम्मेदवारले कुल सदर मतको कम्तिमा २० प्रतिशत मत ल्याउनुपर्ने प्रावधान भएकले मतदान भएको थियो ।
त्यसैगरि उपाध्यक्षमा अनिताकुमारी मण्डल, अनितादेवी साह, नरेन्द्रप्रसाद चौधरी, बसन्तकुमार कुशवाहा, डा. जयकान्त राउत, राजयकुमार यादव र माधवप्रसाद सिंह विजयी भएका छन् । जसमा उपाध्यक्ष पदका लागि ११ जना प्रतिस्पर्धी रहेका थिए ।
पार्टीको २६ पदाधिकारीसहित ९९ जना उम्मेदवारका लागि मतदान भएको थियो ।
