आज देशका केही स्थानमा वर्षाको सम्भावना रहेकाे छ । हाल माथिल्लो वायुमण्डलमा रहेको न्यूनचापीय प्रणालीको प्रभावका कारण वर्षाको सम्भावना रहेको हो ।
आज दिउँसो हिमाली र पहाडी भूभागमा आंशिक बादल लाग्नुका साथै तराई भूभागकाे मौसम मुख्यतया सफा रहनेछ । त्यस्तै कोसी, वाग्मती र गण्डकी प्रदेशको पहाडी भूभागको एकदुई स्थानमा हल्का वर्षाको सम्भावना रहेकाे मौसम विज्ञान विभागले जनाएकाे छ ।
राति हिमाली र पहाडी भूभागमा आंशिक बादल लाग्ने बताएको छ। तराई क्षेत्रमा मौसम सफा रहने पूर्वानुमान रहेकाे छ । गण्डकी प्रदेशको हिमाली भूभागका एकदुई स्थानमा हल्का वर्षा/हिमपातको सम्भावना रहेकाे पनि विभागले जनाएकाे छ ।
त्यस्तै तराई भूभाग, उपत्यका तथा खोँचहरूमा बिहानपख थोरै स्थानमा हुस्सु÷कुहिरो लाग्ने पूर्वानुमान रहेको छ भने नेपालमा हाल माथिल्लो वायुमण्डलमा सक्रिय न्युनचापीय प्रणालीका कारण मौसममा प्रभाव देखिएको हो ।
कोशी, बागमती, गण्डकी र लुम्बिनी प्रदेशका हिमाली तथा पहाडी भू–भागका एक–दुई स्थानमा हल्का वर्षा भइरहेको विभागले जनाएकाे छ ।
