नेपाल प्रिमियर लिग (एनपिएल) को तेस्रो संस्करणअन्तर्गत आज एक मात्र खेल हुँदैछ । कीर्तिपुरस्थित त्रिभुवन अन्तरराष्ट्रिय क्रिकेट मैदानमा हुने खेलमा आज पहिलो संस्करणको विजेता जनकपुर बोल्ट्स र दुई पटकको उपविजेता सुदूरपश्चिम रोयल्सबीच प्रतिस्पर्धा हुनेछ ।
आजकाे उक्त खेल साँझ ५ बजेबाट सुरु हुनेछ । आजको खेलमा सुदूरपश्चिम आफ्नो लय कायम राख्दै जित निकाल्ने योजनामा रहने छ । पाँच खेल खेलेको सुदूरपश्चिमले तीनमा जित र दुईमा हार बेहोरेर छ अङ्क जोड्दै तालिकाको तेस्रो स्थानमा रहेकाे छ ।
प्लेअफको सम्भावना बलियो बनाउने लक्ष्यसहित सुदूरपश्चिम आजको खेलमा जित निकाल्ने गरि मैदानमा उत्रिदै छ । यता जनकपुर पनि जितसहित पुनरागमन गर्ने योजनामा रहेकाे छ ।
पाँच खेल खेलेको जनकपुरले दुईमा जित र तीनमा हार बेहोरेर चार अङ्कसहित तालिकाको पाँचौँ स्थानमा रहेको जनकपुरका लागि आजको खेल महत्वपूर्ण हुनेछ । जारी प्रतियोगितामा आठ टोलीको सहभागिता रहेको छ भने फाइनल खेल मङ्सिर ५ गते हुनेछ ।
