हाल नेपालमा पश्चिमी न्यूनचापीय प्रणालीको आंशिक प्रभाव रहेको जल तथा मौसम विज्ञान विभागले जनाएको छ । विभागका अनुसार उक्त प्रणालीको प्रभावले देशका हिमाली तथा पहाडी क्षेत्रमा बादल लागेको छ भने तराईका केही स्थानमा तुवाँलो देखिएको बताइएकाे छ ।
अहिले कर्णाली प्रदेशसहित देशका अन्य हिमाली क्षेत्रमा साधारणतया बादल लाग्नुका साथै पहाडी क्षेत्रमा आंशिक बदली भएको छ । तराईका केही स्थानमा तुवाँलो लाग्नुका साथै अन्य क्षेत्रकाे मौसम मुख्यतया सफा रहेको विभागले जनाएको छ ।
आज दिउँसो कोशी प्रदेशसहित बागमती र गण्डकी प्रदेशका हिमाली तथा पहाडी क्षेत्रमा आंशिक बदली रहने पूर्वानुमान गरिएको छ । देशका बाँकी भू-भागमा भने मौसम मुख्यतया सफा रहने पनि विभागले जनाएको छ ।
त्यसैगरि कोशी प्रदेशका हिमाली तथा पहाडी क्षेत्र र गण्डकी प्रदेशको हिमाली क्षेत्रका एक-दुई स्थानमा हल्का वर्षा तथा हिमपात हुने सम्भावना रहने पनि विभागले जनाएको छ ।