आज बिहान कावासोतीमा बस दुर्घटना २५ जना घाइते भएका छन् । नवलपुरको कावासोती नगरपालिका–११, लोकाहामा बिहान करिब ६ः४० बजे यात्रु बस दुर्घटना हुँदा २५ जना घाइते भएका हुन् ।
कैलालीको धनगढीबाट काठमाडौं तर्फ आउँदै गरेको सुदूरपश्चिम प्रदेश ०१–००१ ख ३४७५ नम्बरको बस पूर्व–पश्चिम राजमार्गमा पल्टिएको प्रहरीले जनाएकाे छ । दुर्घटनामा घाइते भएकाहरूलाई उपचारका लागि मध्यविन्दु प्रादेशिक अस्पताल डण्डा पठाइएको छ ।
उक्त दुर्घटनाबारे थप विवरण खुल्न बाँकी रहेको प्रहरीले जनाएको छ ।