एजेन्सी, देश छोडेर भारत पसेकी बंगलादेशकी प्रधानमन्त्री शेख हसिनालाई भारतको कस्तो सहयोग रहला भन्ने विश्व राजनीतिमा चासो चुलिएको छ ।
गएको जुन यता नै दुई पटक भारत भ्रमण गरेकी हसिनाले राजनीतिक शरणका लागि पनि भारत नै रोजेकी छन् ।
लामो समयदेखि सत्तामा रहेकी हसिनाको नाटकीय राजीनामा र उनको भारत उडानले दुई देशबीचको घनिष्ठ सम्बन्धलाई थप पुष्टि गरिदिएको छ ।
भारतीय प्रधानमन्त्री नरेन्द्र मोदीले आफ्नो तेस्रो पटकको सत्तारोहणको समारोहमा सहभागी भएकी हसिनालाई लक्षित गर्दै भनेका थिए – “हामीले पछिल्लो एक वर्षमा १० पटक भेटेका छौं ।
यद्यपि, यो भेट विशेष छ किनभने शेख हसिना हाम्रो सरकारको तेस्रो कार्यकाल पछि पहिलो राज्य अतिथि बन्नु भएको छ ।
यद्यपी अहिले नै भारतले बंगलादेशका बारेमा स्पष्ट योजना सार्वजनिक गरिसकेको छैन् ।
भारतले बंगलादेशको पछिल्लो राजनीतिक अवस्थालाई त्यहाँको आन्तरिक ‘आन्तरिक मामिला’ भनेको छ ।
भारतले वर्तमान बंगलादेशी विपक्षी र यसका सहयोगीहरूलाई “खतरनाक इस्लामिक शक्तिहरू“ को रूपमा हेर्दैै आएको छ ।
भारतले “शान्त, स्थिर र समृद्ध बंगलादेशलाई नै आफ्नो हित ठानेको देखिन्छ ।
बंगलादेशमा झण्डै १५ वर्ष सत्ता चलाएकी हसिनालाई आरक्षण कोटाको विरोधमा उत्रिएका विद्यार्थीको असन्तुष्टिले देशै छोड्ने अवस्था बनाइदियो ।
विद्यार्थीको असन्तुष्टि नागरिक तहमा नै फैलिएर भएको आन्दोलनमा २ सय ८० बंगलादेशीको मृत्यु भयो ।
हसिनाको राजीनामा पछि बंगलादेशका सेना प्रमुख वकेर–उज–जमानले अन्तरिम सरकारको योजना घोषणा गरिसकेका छन् ।
