काठमाण्डू, अख्तियार दुरुपयोग अनुसन्धान आयोगले एक वर्षमा २०१ मुद्दा दर्ता गरेको छ ।
आइतबार अख्तियार दिवसको अवसरमा आयोगले आर्थिक वर्ष २०८०/८१ मा २०१ मुद्दा दर्ता भएको जानकारी दिएको हो ।
आयोगका अनुसार मुद्दाबापत १५४५ जनलाई प्रतिवादी बनाउँदै ८ अर्ब ४० करोड ६ लाख ४९ हजार बिगो समेत उठेको छ ।
आयोगका अनुसार भूमि व्यवस्था तथा सहकारी मन्त्रालय, गृह, शिक्षा विज्ञान तथा प्रविधि, स्वास्थ्य तथा जनसङ्ख्या, भौतिक पूर्वाधार तथा यातायात, संस्कृति पर्यटन तथा नागरिक उड्डयन,ऊर्जा, सञ्चार तथा सूचना प्रविधि र उद्योग मन्त्रालयमा धेरै उजुरी परेको छ ।
