काठमाण्डू, आइतबार नेपाली बजारमा सुनको मूल्यमा गिरावट आएको छ ।
नेपाल सुनचाँदी व्यवसायी महासंघकाअनुसार आज छापावाल सुनको मूल्य गत शुक्रबारको तुलनामा तोलामा ६ सय रूपैयाँले घटेर प्रतितोला १ लाख ६० हजार ६ सय रूपैयाँमा कारोबार भइरहेको छ ।
गत शुक्रबार सुन प्रतितोला एक लाख ६१ हजार दुई सय रूपैयाँ कायम हुँदै रेकर्ड बनाएको थियो ।
यस्तै, आज चाँदीको मूल्य पनि घटेको छ । आइतबार चाँदी तोलामा १० रूपैयाँले घटेर प्रतितोला १ हजार ९ सय ४५ रूपैयाँमा कारोबार भइरहेको महासंघले जनाएको छ ।
