काठमाण्डू, साताको अन्तिम कारोबार दिन आज नेपाल स्टक एक्सचेञ्च (नेप्से) मा दोहोरो अंकको गिरावट आएको छ ।
साताको अनितम दिन नेप्से परिसूचक १.१९ प्रतिशत अर्थात ३१.४३ अंकले घटेर २ हजार ५९६.८२ विन्दूमा सीमित बनेको छ ।
बिहीवार बलिया र राम्रा कम्पनीको मापक सेन्सेटिभ इन्डेक्स पनि ०.९६ प्रतिशतले घटेर ४४५.७७ विन्दूमा खुम्चिएको छ ।
साताको अन्तिम दिन बिहीवार नेप्सेमा सूचीकृत मध्ये ३१० वटा स्क्रिप्टको ९८ लाख ३२ हजार ३०८ कित्ता सेयर ४ अर्ब ७६ करोड २ लाख रुपैयाँभन्दा बढीको कारोबार भएको छ ।
बिहीवार नेप्सेमा सूचीकृत १३ वटै समूहमा रातो पोतियो । आज व्यापार समूह सर्वाधिक अर्थात २.७३ प्रतिशतले घटेको छ ।
बैंकिङ समूह पनि आज ०.८२ प्रतिशत,विकास बैंक १.२५, फाइनान्स २.३१, होटल ०.८७,हाईड्रो १.५२,लगानी १.९५,जीवन बीमा १.०४,उत्पादन तथा प्रशोधन ०.३३, लघुवित्त ०.७१,म्युचुअल फण्ड ०.२६,निर्जीवन बीमा १.०५ र अन्य समूह ०.९३ प्रतिशतले घट्यो ।
धेरै कारोबार गर्ने कम्पनीहरु
यो दिन जानकी फाइनान्सको सर्वाधिक सेयर कारोबार भयो । आज यो कम्पनीको १७ करोड ६० लाख बढीको कारोबार भयो ।
कर्णाली डेभलपमेन्ट बैंकको आज ११ करोड ४५ लाख,नेपाल फाइनान्सको १० करोड २२ लाख,एनआरएन इन्फ्रास्ट्रक्चरको ८ करोड ६ लाख र जोशी हाईड्रोपावरको ७ करोड ७२ लाख बढीको सेयर कारोबार भयो ।
धरै कमाउने र गुमाउने कम्पनीहरु
आज नेप्सेमा कारोबार भएका एउटा कम्पनीको सेयरमूल्यमा मात्रै अपर सर्किट लाग्यो ।
आज सामूदायिक लघुवित्तको सेयरमूल्य ७.९६ प्रतिशत,भूगोल इनर्जीको ५.०९,मेन्छियाम हाईड्रोपावरको ४.५० र आत्मनिर्भर लघुवित्तको सेयरमूल्य ४.३९ प्रतिशतले बढ्यो ।
यो दिन नारायणी डेभलपमेन्ट बैंकको सेयरमूल्य सबैभन्दा धेरै अर्थात ९.२१ प्रतिशतले घट्यो ।
माईखोला हाईड्रोपावरको सेयरमूल्य पनि आज ६.६३ प्रतिशत,मानुषी लघुवित्तको ५.८० र रिभर फल्स पावरको ५.७८ प्रतिशतले घट्यो ।
