काठमाडौँ – सर्वोच्च अदालत बार एशोसिएशनले बार एशोसिएशनका सदस्य वरिष्ठ अधिवक्ता दिनेश त्रिपाठीमाथि भएको भौतिक आक्रमणको विरोध गरेको छ।
समग्र कानून व्यवसायीहरूको सुरक्षाको सुनिश्चितता प्रत्याभूत गर्न गराउन दबाबस्वरुप कालोपट्टी बाँधेर एशोसिएशनले विरोध कार्यक्रम गरेको जनाएको छ।
राष्ट्रिय स्वतन्त्र पार्टी (रास्वपा) का सभापति रवि लामिछाने अभियुक्त रहेको मुद्दामा सहकारीपीडितको पक्षबाट बहस गरेर बाहिरिने क्रममा त्रिपाठीमाथि माघ २ गते काठमाडौँ जिल्ला अदालत परिसरभित्र केही व्यक्तिहरूले हातपात गरेका थिए।
त्रिपाठीमाथि हातपात गरेको आरोपमा समातिएका एक जनामाथि अदालतबाट म्याथ थप गरी प्रहरीले अनुसन्धान गरिरहेको छ।
