काठमाण्डू, बेलायती राजकुमार दम्पती काठमाडौँ आइपुगेका छन्। मंगलबार बिहान त्रिभूवन अन्तर्राष्ट्रिय विमानस्थलमा राजकुमार दम्पती अवतरण गरेका हुन्।
राजकुमार राष्ट्रपति रामचन्द्र पौडेललाई भेट्ने तालिका रहेको उच्च सुरक्षा स्रोतले जानकारी दिएको छ।
दुवैजना विमानस्थलबाट लैनचौरस्थित बेलायती राजदूतास जानेछन्। ६ दिनसम्म नेपाल भ्रमणमा रहने बेलायती राजकुमार दम्पती माघ २७ साँझ स्वदेश फिर्ता हुनेछन् ।
भ्रमणका क्रममा उनीहरुले पोखराको ब्रिटिश गोर्खा क्याम्पमा पनि जाने बताइएको छ। भ्रमणकै क्रममा उनीहरु नेपाली सेनाको हेलिकप्टरबाट अन्नपूर्ण हिमश्रृंखला नियाल्न जानेसमेत तालिका छ।
