काठमाण्डू, नेपाल समाजवादी पार्टीका नेता महिन्द्र राय यादवलाई पूर्व राजा ज्ञानेन्द्रलाई संविधानको परिधिभित्रै बस्न चेतावनी दिएका छन् ।
समाजवादी मोर्चाको कार्यक्रमलाई सम्बोधन गर्दै उनले पूर्व राजा नागरिकको हैसियतमा रहेको भन्दै संविधानविरोधी गतिविधि नगर्न चेतावनी दिएका हुन् ।’पूर्व राजालाई नागरिकका रूपमा राखिएको छ ।
राज्य सुविधा दिएको छ । हामी चाहान्छौँ पूर्व राजा संविधानको दायारभित्रै बसुन् । संविधान विरोधी गतिविधिमा सक्रिय नहुन्,’ उनले भने ।
संविधानको रक्षा र कार्यान्वयनका लागि सबै एकजुट हुनुपर्ने उनले बताए । संविधानको संशोधनमार्फत मुलुकलाई समृद्धिको बाटोमा लानुपर्ने उनले बताए ।
समाजवादी मोर्चा त्यसतर्फ अघि बढेको उनको जिकिर छ ।
