काठमाण्डू, राष्ट्रिय प्रजातन्त्र पार्टी (राप्रपा) का सांसद दीपक बोहोराको निधन भएको छ ।
पोस्ट कोभिडको साइट इफेक्टले बोलीमा समस्या भएर लामो समयदेखि थेरापी गराउँदै आउनुभएका बोहोराको मङ्गलबार बिहान निधन भएको हो ।
बोहोराका स्वकीय सचिव तारामणि चन्दका अनुसार थेरापीकाक्रममा घरमै अक्सिजनको मात्र एक्कासी घटेपछि ओम अस्पताल पुयाउँदा अस्पतालले मृत घोषणा गरेको हो ।
अहिले उनको पार्थिव शरीर नेपाली सेनाको आर्मीको स्काई ट्रकबाट निर्वाचन क्षेत्र भैरहवामा लाने तयारी भइरहेको छ ।
श्रद्धाञ्जलीका लागि आज दिनभर भैरहवामा राखेर साँझ काठमाडौं ल्याइने छ ।
उनलाई अन्तिम श्रद्धाञ्जलीका लागि बुधबार बिहान पार्टी कार्यालयमा राखेर पशुपति आर्यघाटमा अन्त्येष्टि गरिनेछ ।
सोमबार मात्र बोहोराको ७३ औं जन्मदिन मनाइएको थियो ।
उनी ०७९ सालको निर्वाचनमा रुपन्देही ३ बाट निर्वाचित प्रतिनिधिसभा सदस्य हुन् । चुनावताका बालवाला गृहमन्त्री बालकृष्ण खानलाई पराजित गर्दै उनी विजयी बनेका थिए ।
उनकी छोरीको केही समयअघि मात्र निधन भएको थियो ।
