काठमाण्डू, निर्वाचन आयोगले रुपन्देही क्षेत्र नम्बर ३ मा कात्तिक १७ गते उपनिर्वाचनको मिति तोकेको छ ।
मनाङको प्रदेशसभा निर्वाचन क्षेत्र ‘ख’ बारे औपचारिक पत्र नआएकोले केही निर्णय नभएको उनिर्वाचन आयोगका आयुक्त रामप्रसाद भण्डारीले बताए ।
आयोगको आज बसेको बैठकले सो निर्णय गरेको र स्थानीय तहका रिक्त पदमा आवश्यकता अनुसार सोही मितिमा गर्ने निर्णय भएको कार्यवाहक प्रमुख आयुक्त रामप्रसाद भण्डारीले बताए ।
भण्डारीले मनाङ २ को प्रदेश सभा र स्थानीय तहका रिक्त स्थानको हकमा भने सोही मितिमा मिलाउन सकिने बताए ।
मनाङको हकमा सर्बोच्च अदालतको फैसला आयोगमा आइ नसकेकाले रुपन्देहीको निर्णयमा समेट्न नमिलेको उनले जानकारी दिए ।
सो क्षेत्रबाट निर्वाचित स्वतन्त्र सांसद राजीव गुरुङ दिपक मनाङको पद रिक्त हुने फैसला सर्बोच्चले गरेको छ ।
फैसला आएपछि सोही मितिमा निर्वाचन गर्न सकिने आयोगले जनाएको छ ।
त्यस्तै यसबीचमा निधन भएका स्थानीय तहका प्रमुख,उपप्रमुख र वडाध्यक्षको हकमा सबै विवरण लिएपछि सोही मितिमा समेट्न सकिने भण्डारीले नेपाल प्रेसलाई बताए ।
