काठमाण्डू, पार्टी विधानका विषयमा छलफल गर्न नेकपा (एमाले)को केन्द्रीय कमिटी बैठक आजबाट सुरु भएको छ। पार्टी केन्द्रीय कार्यालय च्यासलमा बैठक बसिरहेको छ।
बैठकस्थलमा सञ्चारकर्मीहरुलाई जान दिइएको छैन। बैठक हलबाहिर समेत फोटो पत्रकारलाई जान दिइएको छैन।
सुरक्षाका कारण भन्दै केन्द्रीय सदस्य बाहेक अरु सबैलाई बाहिर सडकमै रोकिएको छ।
फोटो पत्रकार तथा अन्य सञ्चारकर्मीहरु सडकमै धुलो खाँदै समाचार संकलन गरिरहेका छन्। अरु बेला बैठक हलबाहिरसम्म जान दिने गरिएको थियो।
