एमालेले कांग्रेसको मूल्य–मान्यतामाथि आक्रमण गरिरहेको छ : डा. कोइराला

काठमाण्डू, नेपाली काँग्रेसका सांसद डा. शेखर कोइरालाले काँग्रेसको मूल्य र मान्यतामाथि नेकपा एमालेले आक्रमण गरिरहेको आरोप लगाएका छन्।

वीपी स्मृति दिवसका अवसरमा आयोजित कार्यक्रममा बोल्दै उनले बहुदलीय प्रजातन्त्र, लोकतान्त्रिक समाजवादजस्ता काँग्रेसका कोर भ्याल्युजमाथि वामपन्थी धारले प्रहार गरिरहेको बताए।

डा. कोइरालाले गठबन्धन सरकार बनाउनु राम्रो भएपनि काँग्रेसले आफ्नो पहिचान र मूल्यमान्यताहरू नबिर्सिनु पर्नेमा जोड दिए। “कांग्रेसको महत्वमाथि अहिले कम्युनिष्टहरूले आक्रमण गरिरहेका छन्,” उनले भने।