राष्ट्रियसभा र पाँच समितिको बैठक बस्दै, विधेयक र प्रतिवेदन छलफल हुने

काठमाण्डू, सङ्घीय संसद् राष्ट्रियसभाको बैठक आज अपराह्न १: १५ बजे नयाँ बानेश्वरस्थित संसद् भवनमा बस्दैछ।

बैठकमा ‘पर्यटन विधेयक, २०८१’ माथि दफाबार छलफलका लागि निर्णय गरिनेछ।

त्यसैगरी, आज अर्थ, कृषि सहकारी, शिक्षा स्वास्थ्य सूचना प्रविधि, सार्वजनिक लेखा, र राज्यका निर्देशक सिद्धान्तसम्बन्धी पाँचवटा संसदीय समितिको पनि बैठक बस्नेछ।

समितिहरूले बजेट सिफारिस, भूमि विधेयक, मिडिया काउन्सिल, महालेखा प्रतिवेदन तथा संसद् भवन निर्माणको प्रगतिबारे छलफल गर्ने कार्यसूची तय गरिएको छ।