काठमाण्डू, प्रधानमन्त्री केपी ओली र सत्तारुढ नेपाली कांग्रेसका सभापति शेरबहादुर देउवाबीच भेटघाट हुँदैछ ।
ओली र देउवाबीच बिहान साढे ११ बजे प्रधानमन्त्रीको सरकारी निवास बालुवाटारमा भेटघाट हुन लागेको हो ।
शीर्ष नेताहरुबीचको भेटघाटमा सरकारका कामकारबाही र विधेयकमा देखिएका विवादबारे छलफल हुने बताइएको छ ।
त्यस्तै पछिल्लो समयमा केही मन्त्रीको कामकारबाहीमाथि प्रश्न उठिरहेको छ । आजको भेटघाटमा मन्त्री हेरफेरबारे समेत छलफल हुनसक्ने बताइएको छ ।
कांग्रेसको सहयोगमा चौथो पटक प्रधानमन्त्री बनेका ओली नेतृत्वको सरकारले १ वर्ष पूरा गरेको छ ।
तर, सरकारले भनेअनु्सार काम गर्न नसकेको भन्दै आलोचना समेत भइरहेका छन् ।
यही बीच ओली–देउवाको भेटघाटमा सरकारको एक वर्षको कार्यकालको समीक्षा हुने समेत बताइन्छ ।
