काठमाण्डू, शान्तिपूर्ण भनिएको जेनजी पुस्ताको आन्दोलन अराजक बनेपछि बानेश्वर क्षेत्रमा कर्फ्यु आदेश जारी भएको छ ।
अपराह्न १२:३० बजेदेखि रातिको १० बजेसम्मका लागि कर्फ्यु आदेश जारी गरिएको जिल्ला प्रशासन कार्यालयद्वारा जारी विज्ञप्तिमा उल्लेख छ ।
बानेश्वर चोकदेखि पश्चिम एभरेस्ट होटल हुँदै बिजुलीबजार पुलसम्म, पूर्वतर्फ मीनभवन हुँदै तीनकुने चोकसम्म, उत्तरमा आइप्लेक्स मल हुँदै रत्नराज्य स्कूलसम्म, दक्षिणमा शंखमुल पुलसम्मको क्षेत्रमा कर्फ्यु आदेश जारी भएको हो ।
सोमबार बिहान ९ बजेदेखि माइतीघर मण्डलामा भेला भएका प्रदर्शनकारी बिहान ११ बजेपछि संसद् भवनतर्फ अगाडि बढेका थिए ।
बानेश्वरमा रहेको प्रहरी ब्यारिकेट हटाएर प्रदर्शनकारी संसद् भवनको गेटमा पुगेका हुन् ।
