काठमाण्डू, नेपाली सेनाले बिहीबार काठमाडौँ, भक्तपुर र ललितपुर जिल्लामा निषेधाज्ञा जारी गरेको छ ।
आज बिहान १० देखि बेलुका ५ बजेसम्म निषेधाज्ञा कायम गरिएको सेनाद्वारा जारी सूचनामा उल्लेख छ ।
अत्यावश्यक कामका लागि बिहान ६ देखि १० बजेसम्म र बेलुका ५ देखि ७ बजेसम्म आवतजावत गर्न पाइने समय तोकिएको सेनाले जनाएको छ ।
यसैगरी, बेलुकी ७ देखि बिहान ६ बजेसम्म कर्फ्यु कायमै रहेको नेपाली सेनाले जनाएको छ ।
निषेधाज्ञा तथा कर्फ्यको समयमा एम्बुलेन्स, दमकल, स्वास्थ्यकर्मी, सुरक्षाकर्मी र सञ्चारकर्मीका साथै खाद्यान्न, दूध, तरकारी, पानी र औषधी ओसारपसार गर्ने सवारी साधन सञ्चालन गर्न पाइनेछ ।
विभिन्न सरकारी कार्यालय, बैंक तथा वित्तीय संस्थालगायत कर्मचारीले आफ्नो परिचयपत्र देखाएर कार्यालयसम्म आवतजावत गर्न सक्नेछन् सेनाले विज्ञप्तिमार्फत जनाएको छ ।
