काठमाण्डू, सरकारले विदेशमा भएका नेपाली नागरिकलाई फागुन २१ गते हुने प्रतिनिधि सभाको निर्वाचनमा सहभागी गराउने तयारी गरेको छ ।
गृहमन्त्री ओमप्रकाश अर्यालले आज निर्वाचन आयोगमा छलफल गर्दै समानुपातिकतर्फ भएपनि विदेशमा रहेका नेपालीलाई मतदानको व्यवस्था मिलाउनुपर्ने बताएका हुन् ।
उनले यस विषयमा सर्वोच्च अदालतले समेत आदेश दिईसकेकाले आगामी फागुन २१ गते हुने तय भएको निर्वाचनमा विदेशमा रहेका नेपालीलाई मताधिकार प्रयोग गर्ने व्यवस्था हुनुपर्ने बताए ।
उनले सम्भव हुने देशहरुमा राजदुतावासमा मतदानको व्यवस्था गर्नुपर्ने र सम्भव नभएका ठाउँमा प्रविधिको सहायता लिन सकिने बताए ।
उनले यस विषयमा कुनै बाधा अड्चन आए अध्यादेशमार्फत सम्बोधन गरिने समेत बताए ।
यस्तै उनले नो भोटको व्यवस्था समेत मिलाइने बताए ।
