काठमाण्डू, तार्केश्वरबाट माछापोखरी आउँदै गरेको बा ५ ख ५० नम्बरको बस आज बिहान दुर्घटनामा परेको छ।
दुर्घटनामा परेर २० जना भन्दा बढी यात्रु घाइते भएका छन्।
माछापोखरी बाइपासको उकालो चोकमा बस पल्टिँदा उक्त दुर्घटना भएको हो।
स्थानीय प्रत्यक्षदर्शीका अनुसार, मोटरसाइकललाई जोगाउने क्रममा बसका चालकले अचानक मोड लिँदा बस सडकमै पल्टिएको थियो।
घाइतेहरूको उद्धार गरी तत्कालै नजिकका अस्पतालहरूमा पठाइएको छ। घटनाको थप विवरण आउन बाँकी छ।
