काठमाण्डू, नेकपा एमालेका अध्यक्ष केपी ओली जेन-जी आन्दोलनको क्रममा जलेको घर आफ्नो घर हर्न पहिलो पटक बालकोट पुगेका छन्।
बुधबार दिउँसो उनी श्रीमती राधिका शाक्यसहित दलबलका साथ निवासमा पुगेका हुन्।
यस अघि ओली पत्नी शाक्यले एक्लै निवासमा पुगी जलेको घर हेरेर स्तव्ध भएकी थिइन्।
सुरक्षा चुनौतिका कारण ओली भने यसअघि आफ्नो निवासमा पुगेका थिएनन्। ओली निवासमा आगजनीको क्रममा धेरैजसो पुस्तकलगायतका अध्ययन सामग्री जलेको प्रत्यक्षदर्शीहरुले बताएका थिए।
ओली पत्नी शाक्यले भने राज्यका लागि दिने भनेर राखिएको पुरातात्विक महत्वका धेरै सामग्रीहरु जलेर नष्ट भएको बताएकी थिइन्।
ओलीले मरणोप्रान्त सो निवास ट्रष्टको नाममा राज्यलाई दिने घोषणा गरेका थिए। तर, २४ भदौका दिन जेन-जी आन्दोलनका नाममा घरमा तोडफोड, आगजनीका साथै लुटपाट भएको थियो।
