काठमाण्डू, जेनजी आन्दोलनका कारण सत्ताबाट विस्थापित भएको एमालेले मंगलबार पालिका तहमा प्रर्दशन गरेको छ।
आन्दोलनको बलमा बनेको सरकारविरुद्ध र संसद पुनःस्थापनाको माग राख्दै एमालेले ७५३ वटै पालिकामा प्रर्दशन, भेला तथा मोटरसाइकल र्याली गरेको हो।
भदौ २७ गते प्रधानमन्त्री सुशीला कार्कीको सिफारिसमा भदौ २७ गते प्रतिनिधिसभा विघटन भएको थियो।
उक्त विघटनलाई असंवैधानिक भन्दै पुनःस्थापनाको माग लिएर एमाले सडकमा पुगेको हो। एमालेले संस्थागत रुपमा संसद पुनःस्थापना हुनुपर्ने एजेण्डा अघि सारेको छ।
त्यस्तै एक महिनापछि काठमाडौँमा हुने पार्टीको ११औँ महाधिवेशनलाई समेत लक्षित गर्दै एमालेले जनपरिचालको काम सुरु गरेको प्रचार विभाग प्रमुख राजेन्द्र गौतमले बताए।
