काठमाण्डू, नेकपा एमालेको ११ औं महाधिवेशन दोस्रो दिन बन्दसत्रको समय सरेको छ।
प्रवक्ता राजेन्द्र गौतमका अनुसार बिहान ८ बजे शुरु हुने भनिएको बन्दसत्र १२ बजेलाई सरेको हो।
सहभागी हुन प्रतिनिधिहरू भृकुटीमण्डपमा आउने भने क्रम शुरु भइसकेको छ।
अहिले ९ बजेदेखि केन्द्रीय कमिटी बैठक बस्दै छ। यसपटक एमाले महाधिवेशनमा कुनै प्रस्तावमाथि छ्लफल नहुने कार्यसूची छ।
बन्द सत्रको औपचारिकतापछि नेतृत्व चयनको प्रक्रिया शुरु हुने जनाइएको छ।
एमालेको महासचिवमा प्रदीप ज्ञवाली र योगेश भट्टराईबीच प्रतिस्पर्धा हुने सम्भावना छ। यतिबेला दुवै पक्ष टिम बनाउन लागि परेका छन्।
