काठमाण्डू, “नेपाली टोपी: हाम्रो पहिचान” भन्ने मूल नाराका साथ आज नयाँ वर्ष २०२६ को पहिलो दिन देशभर राष्ट्रिय पोसाक र टोपी दिवस हर्षोल्लासका साथ मनाइएको छ।
काठमाडौँको वसन्तपुर दरबार क्षेत्रमा भेला भएका सयौँ युवा तथा संस्कृतिप्रेमीहरूले नेपाली पहिचान झल्काउने पोसाक लगाएर यस दिवसलाई एक उत्सवको रूपमा मनाएका हुन्।
विभिन्न युवा संस्थाहरूको संयुक्त आयोजनामा भएको यस कार्यक्रममा सहभागीहरू मौलिक नेपाली पोसाक—दौरा(सुरुवाल, ढाका टोपी र गुन्यु(चोलीमा सजिएका थिए।
वसन्तपुर क्षेत्रमा मौलिक बाजागाजासहित नाचगान गर्दै उनीहरूले नेपाली टोपी र राष्ट्रिय पोसाकको महत्वका बारेमा जनचेतना फैलाएका थिए।
सहभागीहरूले एक(अर्कालाई नयाँ वर्षको शुभकामना आदान(प्रदान गर्दै नेपाली पहिचानलाई विश्वभर चिनाउन यस्ता कार्यक्रम फलदायी हुने विश्वास व्यक्त गरे।
नेपाली मौलिक पहिचानका प्रतीक मानिने राष्ट्रिय पोसाकको संरक्षण र प्रवर्द्धन गर्ने उद्देश्यले वि.सं.२०७० देखि यो अभियान सुरु गरिएको हो।
हरेक वर्ष जनवरी १ तारिखलाई ‘टोपी दिवस’ का रूपमा मनाउने क्रम बढेसँगै यसले विशेषगरी युवा पुस्तामाझ लोकप्रियता कमाएको छ।
विगत १३ वर्षदेखि निरन्तर चल्दै आएको यो अभियानले पछिल्ला वर्षहरूमा प्रविधिको साथ पाएको छ।
सामाजिक सञ्जालहरूमा टोपी लगाएका तस्बिरहरू राख्ने र ‘ह्यासट्याग’ मार्फत प्रचार गर्ने क्रम बढेसँगै यो दिवसले अन्तर्राष्ट्रिय स्तरमा समेत नेपाली पहिचानलाई स्थापित गर्न मद्दत पुर्याएको छ।
