काठमाण्डू, पुसभित्रै विशेष महाधिवेशन गर्ने कि वैशाखमा नियमित महाधिवेशन गर्ने भन्ने विवादमा रुमालिएको कांग्रेसको कार्य सम्पादन समितिको बैठक पार्टी कार्यालय सानेपामा शुरु भएको छ।
बैठकमा वर्तमान समसामयिक राजनीतिक अवस्था, पार्टीको आन्तरिक विषयहरू तथा विशेष महाधिवेशनबारे छलफल हुने तयारी छ।
पछिल्लो समय महामन्त्रीद्वय गगन थापा र विश्वप्रकाश शर्माले नियमित महाधिवेशन स्थगन गर्दै विशेष महाधिवेशनको तयारी अघि बढाएपछि पार्टीभित्र तीव्र विवाद उत्पन्न भएको छ ।
बैठकले महाधिवेशन, क्रियाशील सदस्यता विवाद र आसन्न निर्वाचनलाई केन्द्रमा राखेर निर्णय लिनेछ ।
संस्थापन पक्षले भने आउँदो वैशाख २८ गतेदेखि नियमित महाधिवेशन गर्नका लागि कार्यतालिका नै सार्वजनिक गरेको छ।
